I-colon iyingxenye yamathumbu amakhulu futhi inezingxenye ezintathu: i-colon ekhuphukayo, i-colon ophambene kanye ne-colon eyehlayo. Umdlavuza wamathumbu yiwona mdlavuza ovame kakhulu emhlabeni. Ngezinye izikhathi kubizwa ngokuthi umdlavuza we-colorectal.
Yini ebangela umdlavuza amathumbu?
Lapho udla, ukudla kudlula esiswini, emathunjini amancane, ku-colon bese ekugcineni kuye ku-rectum nasendunu. I-colon iyingxenye yamathumbu amakhulu futhi inezingxenye ezintathu: i-colon ekhuphukayo, i-colon ophambene kanye ne-colon eyehlayo. Umdlavuza wamathumbu yiwona mdlavuza ovame kakhulu emhlabeni. Ngezinye izikhathi kubizwa ngokuthi umdlavuza we-colorectal.
Ezimweni eziningi (85% wesikhathi) umdlavuza wamathumbu awunazo izimbangela zangempela ezaziwayo. Kwezinye izimo ezingu-15%, kukhona izakhi zofuzo okuye kwatholakala ukuthi ziyimbangela noma ziyingozi engabangela lo mdlavuza
Yini eyandisa ingozi yokuba nomdlavuza wamathumbu?
- Ukuba umuntu omdala
- Abantu abanesifo sokuvuvukala kwamathumbu
- Ukukhuluphala ngokweqile
- Ukudla izidlo eziphrosesiwe (njengokudla okusheshayo, ukudla okulondoloziwe, inyama ephrosesiwe )
- Ukudla inyama ebomvu
- Ukuphuza utshwala
- Ukubhema
- Ukungazivocavoci
Umdlavuza wamathumbu umila kanjani?
Amaseli angaphakathi kwethumbu ashintshwa ngokushesha kakhulu. Ukukhiqizwa kabusha nokukopishwa kwamaseli kumelwe kwenziwe ngokucophelela, ngoba umzimba ufuna amaseli anele azokwenza umsebenzi, kodwa akumelwe abe maningi ngokweqile.
Njengoba amaseli amadala ekopishwa ukuze kwenziwe amasha, kungenzeka amaphutha athile ezakhini zofuzo. Uma kwenzeka amaphutha anele ezakhi zofuzo, ukukhula kanye nokukhiqizwa kabusha kwala maseli kungenzeka ngendlela engalawuleki. Lokhu kube sekuholela ekukhuleni okungalawuleki, okubangela izimila zomdlavuza.
Yini ongayenza ukuze uvimbele umdlavuza wamathumbu
Ukushintsha indlela ophila ngayo ukuze unciphise ingozi yokuthola umdlavuza kubalulekile. Ukuzivocavoca, ukudla ngendlela enempilo, ukungabhemi noma ungaphuzi, kanye nokunciphisa isisindo somzimba kuyizinyathelo ezibalulekile ukuze uvimbele udlavuza wamathumbu.
Kubalulekile nokuthi lapho uba neminyaka engu-50 ubudala, wenze i-colonoscopy esibhedlela. I-colonoscopy yishubhu elinekhamera ngaphambili, elisiza odokotela babhene ngaphakathi kwethubhu ngaphandle kokukuhlinza. Ngokwenza lokhu, odokotela bayakwazi ukubona ukuthi zikhona yini izinkomba zomdlavuza. Noma yimuphi umdlavuza, kubalulekile ukuba uzame ukuwubamba usaqala, ukuze ukwazi ukuwulapha kangcono.
Uma unomzali noma umuntu ozalwa naye onomdlavuza wamathumbu noma oke waba nawo, kubalulekile ukuba wenze i-colonoscopy ngokushesha. Ukuze uthole ukuthi ungayenza nini i-colonoscopy, khipha iminyaka engu-10 eminyakeni umuntu ozalwa naye/umzali atshelwa ngawo ukuthi unomdlavuza wamathumbu. Lobo ubudala okufanele wenze ngabo i-colonoscopy.