Wat is geslagsgebaseerde geweld?
Suid-Afrika het uiters hoë koerse van geslagsgebaseerde geweld (GBV in engels). GBV vind plaas wanneer een persoon of 'n groep mense 'n ander persoon of 'n groep mense in verskillende vorme skend. Geweld in Suid-Afrika word algemeen geteiken op vroue en kinders, en lede van die LGBTQ+-gemeenskap. Hierdie geweld of mishandeling kan die vorm aanneem van:
- Fisiese mishandeling
- Seksuele mishandeling
- Emosionele en sielkundige mishandeling
- Finansieel - deur weerhouding en beheer van finansies
- manipulasie
- intimidasie
GBV is 'n maatskaplike probleem
GBV is 'n skandelike deel van ons samelewing in Suid-Afrika. In die oorgrote meerderheid van gevalle is mans die oortreders. Daarom het mans die grootste rol om te speel in die voorkoming van GBV. Dit is hul verantwoordelikheid om gewelddadige mosies van manlikheid te bevraagteken en op te staan vir oorlewendes van GBV en dit is hul taak om ander mans te keer om hierdie misdaad te pleeg. Ons moet almal daarna streef om voorbeelde vir kinders te wees sodat hulle die deugde van respek en eer vir mekaar kan leer.
Wat om te doen as jy mishandeling ervaar
As jy ongelukkig is in jou verhouding en jy voel dat jou maat jou mishandel, kan jy altyd met ’n dokter hieroor praat vir hulp. As jou maat jou nie alleen na die dokter toe laat gaan nie, is daar maniere waarop die dokter die maat kan vra om te vertrek sodat jy alleen met die dokter kan praat. Die dokter kan jou dan help of vertel van iemand na wie jy kan gaan wat kan help.
Gaan kyk gerus na die departement van maatskaplike ontwikkeling se webtuiste vir geslagsgebaseerde geweld (GBV) vir meer inligting: gbv.org.co.za
Wie jy kan kontak
Hier is 'n paar plekke waar jy kan bel vir hulp:
*Gebruik die bykomende hulpbronne-bladsy om toegang tot die volgende nommers en skakels te kry.
- Nasionale Krisishulplyn (Lewenslyn) 0861322322
- Lifeline Email Counselling lifelinecounselling@gmail.com
- Stop geslagsgebaseerde geweld-hulplyn 0800150150
- Mense gekant teen vrouemishandeling 0116424345
- Familie- en Huweliksvereniging van Suid-Afrika 0124600733
- Nasionale Netwerk oor Geweld teen Vroue 0123214959
