Iimeko eziqhelekileyo zempumlo
iRhinosinusitis kukudumba kwe nwebu yokuqala yempumlo nee sinus. isinus yimingxunya engaphakathi kwethambo. Kule ncwadana, i-sinus zibhekisele kwimingxunya yethambo elijikeleze impumlo.
Iimpawu ze rhinosinusitis
- Ukuvaleka kweempumlo
- ukuphuma kwempumlo
- Ukungavi vumba
- Ukhohlo khohlo ebantwaneni
- iintlungu zobuso xa kukho uxinzelelo
- Ubuso obuhlungu xa kucinezelwe impumlo/ubuso
Ukuba iimpawu zihlala ngaphezulu kweentsuku eziyi-10 nangaphantsi kweenyanga ezi-3, oku kubizwa ngokuba yi-rhinosinusitis ebukhali. I-rhinosinusitis ebukhali inokuphinda yahlulwe ibe zizizathu ezibini:
I-rhinosinusitis ebukhali/ingqele
yenziwa zintsholongwane ezimbini influenza virus nerhino virus, iimpawu zayo zithatha iintsuku ezilishumi. Iyazinyanga ngokwayo. kubalulekile ukufinya ukwenzela umfinya ungayofika kwi sinuses.
Acute post viral rhinosinusitis
kulapho ezimpawu zihlala iintsuku ezingapha kwe-10 kodwa ngaphantsi kweenyanga ezi-3. Iyazinyanga ngokwayo.
Unyango
Kuxhomekeka kwiimpawu zakho nobuzaza bempawu. Unyango lujolise kulawulo lweempawu ukuphucula umgangatho wobomi ngexesha lokugula:
- Amayeza eentlungu nomkhuhlane iparacetamol (Panado)
- Amayeza okuvula iimpumlo/ ispray esifakwa empumlweni
- Ukufutha
i-Rhinosinusitis ebukhali yentsholongwane ibacteria
Yenziwa yintsholongwane istreptococcus pneumoniae ne haemophilus influenzae. Lentlobo ilandela irhinosinusitis eyenziwe yi viral rhino sinusitis. Iimpawu zayo zivela emva kwentsuku kweveki ye viral rhinosinusitis.
Iimpawu
- Umfinya oluhlaza okanye othyeli
- Iintlungu kwicala elinye lobuso
- Umkhuhlane
Unyango
Luyafana nolwe acute viral rhinosinusitis kunye namayeza okubulala iintsholongwane (antibiotics) amiselwe ngumboneleli wakho wezempilo.
Nceda uqaphele, iantibiotics zisetyenziselwa kuphela xa kukrokrelwa ukusuleleka ngentsholongwane ibacteria njengobungqina bezi mpawu zikhankanywe apha ngasentla.
iAllergic rhinitis
yenziwa zi allergies ezingena kwimpumlo ezifana ne:
- Umungu
- Uthuli
- Izilwanyana ezithile
Iimpawu
- Ukuthimla
- Ukurhawuzelela
- Ukuxinana kwempumlo
- Ukudumba kwamehlo namehlo abomvu
- impumlo ebomvu
- ukwanda koxinzelelo endlebeni
Imiphumela emibi
- Iingxaki zendlebe ezenza ungevi kakuhle
- Ukuba nengxaki yee-sinus
Unyango
Amayeza ovula iimpumlo
Antihistamines zonciphisa ukudumba xa udibene ne allergens
Ukuphepha i allergens
Irhinosinusitis engapheliyo
Ukudumba kwee sinus iinyanga ezi-3 okanye ngaphezulu.
Iimpawu
- Ukuvaleka kwempumlo
- Ungakwazi ukuva ivumba
- Ikhohlo khohlo
- Umfinya obaleka uyotshona emqaleni
Unyango
Esisifo sinyangwa ngamayeza i-corticosteroids ne antibiotics de ufike kwi nqanaba loba zingakuhluphi iisinus. Irhinosinusitis engapheliyo iyatyandwa ukuba iimpawu zayo azinciphi.